Имотното право ги уредува сопственичките и другите стварни права врз земјиштето и објектите, како и сите правни односи поврзани со нивниот промет, користење и оптоварување. Купувањето или продажбата на недвижност е една од најзначајните одлуки во животот и во бизнисот, поради што секој чекор бара темелна правна проверка и сигурност.
Нашата канцеларија нуди целосна правна поддршка и застапување во сите фази на трансакциите со недвижности, вклучувајќи:
- Правна проверка (due diligence) на имотно-правниот статус и катастарската состојба на недвижноста
- Изготвување и ревизија на договори за купопродажба, размена, подарок, доживотна издршка и договор за закуп
- Засновање и бришење на хипотека и други товари во корист на банки и кредитори
- Запишување на права во Агенцијата за катастар на недвижности и спроведување на промени
- Правна поддршка во постапки за издавање на одобрение за градба, легализација на бесправно изградени објекти и инвестициски проекти
Со внимателен и индивидуален пристап кон секој клиент, ги штитиме вашите интереси од првичните преговори до конечниот упис на правото на сопственост.
Услуги кои ги нудиме
- КупопродажбаРевизија и изготвување на договори при купување и продавање на недвижности.
- Правна проверкаПроверка на право на сопственост, товари, службености и катастарска состојба пред склучување на договор.
- ЗакупИзготвување на договори за закуп и застапување при спорови меѓу закуподавач и закупец.
- Хипотека и товариЗасновање, измена и бришење на хипотеки и други стварни права.
- Спорови за недвижностиЗастапување во спорови за сопственост и владение во судски и управни постапки.